from 方健儀微博
最近很多人問，很多人猜，（但又猜錯喎！）倒不如在此說一聲：二月二十四日是我在TVB最後一天上班，亦是最後一晚報新聞。我會轉到廉政公署當高級新聞主任。
2012年2月24日晚上 是在TVB最後一天上班
◆ Link: 方健儀的微博
▼ 網友評論：
- 我仲以為晚間新聞播映完畢…
- D令女主播無用既..我要有實力既方健儀!!
- 好想喊呀 ;(
- 以後冇得聽：大家好, 歡迎收睇晚間新聞, 我係方健儀.....
- 晚晚都有聽佢報導新聞, 好專業 ^_^
- 好啦, 新聞報導完啦 多謝支持, 後會有期
- 祝錦繡前程 =)
- 好專業，好有做記者既硬朗。
- 唔捨得你呀..方健儀!祝你新工作順利愉快!
- 佢做新聞做得最好
- 去都邊做都要俾心機呀! 加油!
- 晚晚溫書聽到方面儀把聲就知係時候要訓.加油!!
- 再見喇 希望你係ICAC繼續努力
- Thank you fong fong!! 辛苦了!!
- 每晚12點先訓，就是為了看她的新聞報導T.T
- 好心TVB咪咁小家la, 抽3分鐘俾方健儀講下自己感想都得掛,搞到急急腳咁講完就出字幕.
▼ 相關新聞報導：
「大家好，我係方健儀」。相信呢句開場白，大家都聽到耳熟能詳，晚晚 11點喺 TVB睇見方健儀報新聞，真係熟口熟面熟過一家人；不過，呢位極有觀眾緣嘅 TVB新聞女主播，報多個零月新聞就會同大家 say goodbye。
八方聽聞，方健儀 3月就會過檔廉政公署做公關，為 1999年開始嘅採訪生涯畫上句號。方健儀曾經喺 2011年奪得《讀者文摘》嘅最具公信性新聞主播獎，小道消息話方健儀當年上位，係由六嬸欽點提拔，佢表現亦冇令高層失望，家陣蟬過別枝， TVB應該諗嚇，係咪對記者嘅待遇唔太好呢。
據方健儀身邊人透露，佢辭職係想做更有意義嘅事，強調唔係有咗龍 B喎。
新聞來源：蘋果日報 - 20120119 - 隔牆有耳：女主播方健儀過檔廉署
孤獨晚飯，打扮樸素嘅方健儀刻意坐埋一邊，面壁獨擦 48蚊個嘅海南鷄飯。
近年唔少主播好似趙海珠、林燕玲等做幾年就唔撈，跳槽去金融公司做「輪後」， sell市民炒窩輪，月入十幾萬，好好賺。大家可能好欣賞佢哋搵咁多錢，但 FBI反而欣賞一向正氣嘅方健儀（ Akina）貫徹「正氣」作風，跳槽 ICAC做公關。月尾就要離開 TVB主播崗位，方健儀嘅女主播生涯進入倒數期，我 哋呢 啲日日睇新聞，又一直覺得方健儀淡定大方又專業，梗係唔捨得啦，估唔到連佢自己人未走，已經開始懷緬。
上星期 FBI喺晚飯時間撞到方主播一個人 喺太子大廈速食店食海南雞飯。一向低調嘅佢雖然已經素顏戴眼鏡，全程垂低頭玩電話，都俾收銀阿姐認得出，開心到好似撞到當家花旦一樣撩佢吹水。之後 FBI仲喺佢嘅微博發現佢上載咗好多主播歲月舊相， FBI好唔捨得佢呀。
女主播光臨中環間「 can.teen」全程素顏戴眼鏡，又耷低頭玩電話，食飯時間一樣咁忙。
近日方健儀接連上載主播舊相，緬懷那些年。
最近跟老公同 TVB同事喬寶寶去重慶大廈食咖喱，貫徹方健儀嘅樸實作風。
